NASIHAR SHEIKH ZAKZAKY GA 'YAN UWA MASU AMFANI DA KAFAR SADA ZUMUNTA

-

 


NASIHAR SHAIKH ZAKZAKY GA ‘YAN UWA MASU AMFANI DA SOCIAL MEDIA


Wannan wata nasiha ce da Jagoran Harkar Musulunci a Nijeriya, Shaikh Ibraheem Zakzaky ya yiwa ma’abota amfani da shafukan sada zumunta (social media) musamman ‘yan uwa Musulmi almajiransa, da cewa; yanzu lokaci ne na Hujja, ba zagi ba. Karatu a bakin masu abin ya fi saurin ganewa. Ga nasiharnan kamar yadda take:


“Idan wani ya zana Malaminka, ya sa a ‘internet’, ya sa shi a sifar Biri ko Kare, ba kai kuma sai ka zana nashi Malamin ka ce; kai ma ka ce Malaminshi kaza ba ne, sai ka bar shi da abokanansa (masu zana Annabi a mummunan kama), ya nuna inda ya kwana. Duk wanda zai zana wani Malami, ko da wane ne Malamin, idan ba ka da ra’ayin Ibn Taimiyyah, ba za ka nuna shi a mummunan kama ba ne, za ka ce; Ibn Taimiyyah ya ce kaza, amma ba haka ba ne. Amma ba zagin shi za ka yi ba. Kowane ya ce kaza, ko ya fadi kaza, amma ba haka ba ne. Amma idan su wadannan suka zana Malaminku, a mummunan kama, ko suka zana Ayatullah suka yi mishi wani abu, kai kuma ba sai ka zana musu nasu Malamin haka ba, ka ga ka shiga sahunsu ke nan.”


 “wanda duk ya zana wani alamin addini a mummunan kama, to yana koyi da su Charlie ne (masu zana Annabi a mummunan kama) da wadanda suka ce; duk su Charlie ne, masu zana mutum su ce Manzon Allah ne, kuma su nuna shi a mummunar kama, koyi da su yake yi. Wannan ba lokaci ne na dan wane, mu ‘yan kaza ne, mu ba ‘yan kaza ba ne. 


Na’am ra’ayi na iya bambanta, amma mun yi ‘ittifa}i’ a kan cewa sunanmu Musulmi, sunan addininmu Musulunci. Idan wani ya fadi wata magana cikin addini, wadda kake ganin ba haka ba ne, kamar misalin da nake ba ku na yadda a cikin gida an kirkiro abubuwa a cikin addini, to ba zage-zage za mu yi ba. Idan na fadi magana, alal misali, na ce; Mu’awiyyah ya ce kaza, idan ba haka ba ne, sai ka kawo ‘proof’ ka ce; ba haka ba ne, ba ka zage ni ba. Ina da ‘proof’ dina ne. Na san cewa; su wadannan mulkin duniya suka kafa ba addini ba. Kuma sun san ma’abota addini na zamaninsu, kuma sun yi fada da su ne. Sun yi amfani da addini ne wajen kafa mulki. Su siyasa suka kafa dasisa a cikin addini. Kuma muna da ‘proof’ ne.” 


Ammar Muhammad Rajab ya nakalto muku daga jawabin da Shaikh Ibraheem Zakzaky ya gabatar a taron Maulidin Manzon Allah (saww) wanda ‘yan uwa na ‘Resource Forum’ suka shirya, kuma ya gudana a Husainiyyah Bakiyyatullah, Zariya. A ranar wata Asabar din 26 ga watan Rabi’ul Awwal, 1436.

Comments

Post a Comment

Popular posts from this blog

TAƘAITACCEN TARIHIN SHEIKH YAQUB YAHYA KATSINA

-
Image
Tarihin Shaikh Yakubu Yahaya Katsina A Takaice. Da sunan Allah mai Rahma mai Jinkai. Tsira Da Amincin Allah Su Kara Tabbata Ga Fiyayyen Halitta, Manzon Tsira Da Iyalan Gidansa Ma'abota Shiriya Da Shiryarwa. Garin, Shekara Da Wajen Da Aka Haifi Shaikh Yakubu Yahaya Katsina. An haifi Shaikh Yakubu Yahaya Katsina a ranar 15 ga watan Rajab,1376 Hijiriyya (1955 Miladiyya) a Unguwar Adoro da ke gab da Unguwar-madawaki a tsakiyar birnin Katsina. Mahaifansa. Maihaifinsa Alhaji Malam Yahaya, haifaffen  karamar hukumar Rimi ne ta Jihar Katsina. Malama Maryam, mahaifiyarsa, 'yar asalin karamar hukumar Mani din Jihar Katsina ce. Ita 'ya ce ga Malam Zubairu, shi kuma Malam Zubairu da ne ga Malam Aliyu, dukansu haifaffun Karamar hukumar Rimi ta jihar Katsina ne. Iyalansa. Yanzu haka Shaikh Yakubu Yahaya yana da Mata biyu da 'ya'ya shatakwas: Tara Maza, Tara Mata. Ya aurar da guda Tara (tsakanin Maza da Mata), Yanzu Saura guda Tara. Karatunsa. A farkon farawa Malamin y
Read more

TAKAITACCEN TARIHI, HAIHUWA DA TASOWAR SHAIKH ZAKZAKY (H)

-
Image
Saura Kwanaki 15 Shaikh Zakzaky Ya Cika Shekaru 70 -Saifullahi M. Kabir TAKAITACCEN TARIHI, HAIHUWA DA TASOWAR SHAIKH ZAKZAKY (H) Ranar Talata 15 ga Sha’aban, 1372 aka haifi Jagoran Harkar Musulunci a Nijeriya, Shaikh Ibraheem Zakzaky (H), a unguwar Kwarbai da ke birnin Zariya ta jihar Kaduna. Mahaifinsa shine Malam Yaqoub dan Malam Ali dan Sharif Tajuddeen, shi kuma dan wani babban limami da ake kiransa da Liman Husaini. Kakan Shaikh Zakzaky na uku ya kasance daga cikin mutanen Shaikh Usman Danfodiye, wadanda ya tura su garuruwa a matsayin wakilansa, sai ya zama shi Malam Muhammad Tajuddeen Shaikh Danfodiye ya turo shi Lardin Zazzau ne a matsayin mai ba Amir din Zazzau, Malam Musa shawara da taimakonsa wajen tafiyar da harkokin al’umma akan tsarin Musulunci. A wata hira da aka yi da Shaikh Zakzaky dangane da tarihin rayuwarsa a shekarun baya, ya bayyana cewa: “Mahaifina Malamin Alkur’ani ne, haka ma kakana shima Malamin Alkur’ani ne, haka ma uban kaka na. Sai dai shi uban
Read more

Cikakken Tarihin Hammad Ibraheem Zakzaky

-
Image
Cikakken Tarihin Hammad Ibraheem Zakzaky Haihuwarsa An Haifi Sayyid Hammad Ibraheem Zakzaky Ne A Rana mai Kamar ta yau 01 ga Sha'aban 1417 Hirari dai-dai da 10 Ga December 1996 Miladiyya. A Cikin Birnin Kadunan Tarayyar Nijeria. Sunansa Da Laqabin Sa. Sunan sa Sayyid Hammad Ibraheem Anai Masa Laqabi Da Saajid.  Nasabarsa Ta Wajan Uba Nasabarsa  Ta Wajan Mahaifin Sa: Sayyid Hammad, Shine Dan Allamah Ibrahim Zakzaky, na 7, Shi Kuma Dan Malam Yaqoub Shi Kuma Dan Malam Aliy Dan Malam Muhammad Tajuddin Dan Liman Husaini. Shi Liman Husaini Wani Bawan Allah Ne Kuma Babban Malami Da Yake Limanci A Wani Masallaci A Lokacin. Malam Muhammad Tajuddin Yazo Birnin Zariya Ne Daga Sokoto A Cikin Tawagar Amir Na Zariya. Wato Lokacin Da Shaikh Usman Dan Fodiyo (Ra) Ya Na Da Malam Musa A Matsayin Amir Na Lardin Zazzau Sai Ya Hada Shi Da Malam Muhammad Tajuddin A Matsayin Mai Bashi Shawara, Da Kuma Mai Taimaka Masa Wajan Tafi Da Harkokin Jama'a Akan Tsarin Musulunci. Assalin Iyayen Su,
Read more