Sabunta Muzaharorin 'Free Zakzaky' A Nijeriya: Yadda Muzaharar 5 ga Maris 2021 Ta Zo Da Sabon Salo A Da'irar Katsina.

-
Daga Auwal Isa Musa.

Kamar sauraran takwarorinta, Da'irar Katsina ita ma ta bi sahunsu wajen gudanar da jerin gwanon #Freezakzaky a ranar Juma'ar nan 21 ga Rajab, 1442 H (5 ga Maris, 2021), Muzaharar wadda aka gudanar a fadin Kasar baki daya.

Muzaharar ta Katsina wadda ta motsa a lokaci guda da misalin karfe 3:00 na rana, ta samu halartar daruruwan 'Yan uwa Musulmi daga sassa daban-daban na Da'irar.

Wani sabon salon da Muzaharar ta zo da shi a wannan karon shi ne, yadda aka kalkasa ta zuwa Yankuna  guda Hudu (Zones) na Da'irar, wato Yankin Gabas, Yankin Yamma, Yankin Arewa da Kuma Yankin Kudu, tayadda kowanne Yanki ya gudanar da tashi Muzaharar a lokaci guda da salon da ya dace, aka tashi a inda ya dace, kuma aka tuke ta a inda ya dace.

Yankunan masu sunaye kamar haka: Zone 'A', Zone 'B', Zone 'C' da kuma Zone 'D', salon yadda kowannensu ya gudanar da tasa Muzaharar ya bada Natija, domin ta isar da sako ba kadan ba.

Yankin Gabas wato 'Zone 'A', sun taso ne da Kofar Dur6i inda suka tuke ta a Kasuwar Gwangwan.

Yakin Yamma kuwa wato Zone 'C', su kuma sun taso da tasu Muzaharar ne daga Kofar 'Yandaka, inda suka tuke ta a Sabon Titin 'Yankyaure.

A yayin da Yankin Arewa suka taso da tasu Muzaharar daga Unguwar Iyatanchi suka tuketa Tsohuwar Stadium, kan Titin Saulawa.

Sai kuma Yankin Kudu wato Zone 'D' wadanda suka taso da tasu Muzaharar daga Danhako (farin Masallaci) Kofar Kaura, inda suka tuke ta a Sha-tale-talen Titin Sabon layi.

A yayin gudanar da wadannan Muhazori na #Freezakzaky wadda aka kalkasa zuwa 6angarorin hudu, 'yan uwa Musulmi na tafiya ne cikin tsari tare da rera wakoki 'FreeZakzaky'da take na musamman, inda suke dauke da kwalaye masu rubutun 'Free Zakzaky' a jikinsu da Hotunan jagora Sayyeed Ibraheem Zakzaky(H), a yayin da saukin Kabarbari masu razana makiya Allah ke dagawa sama, a lokaci guda kuma Matasa Maza da Mata Yara da Kanana cikin kakkausar Murya ke kara jan kunnen gwamnatin Buhari da cewa lallai fa ta bi umurnin Kotu ta saki Shaikh Alzakzaky da Mai dakinsa Malam Zeenatu ba tare da wani sharadi ba wadanda take tsare da su shekara da shekaru ba bisa Zalinci, tsarewar da za ta ja wa gwamnayin yin Nadama da yin da-na-sani muddin suka ci gaba da yin ta.

Comments

Post a Comment

Popular posts from this blog

TAƘAITACCEN TARIHIN SHEIKH YAQUB YAHYA KATSINA

-
Image
Tarihin Shaikh Yakubu Yahaya Katsina A Takaice. Da sunan Allah mai Rahma mai Jinkai. Tsira Da Amincin Allah Su Kara Tabbata Ga Fiyayyen Halitta, Manzon Tsira Da Iyalan Gidansa Ma'abota Shiriya Da Shiryarwa. Garin, Shekara Da Wajen Da Aka Haifi Shaikh Yakubu Yahaya Katsina. An haifi Shaikh Yakubu Yahaya Katsina a ranar 15 ga watan Rajab,1376 Hijiriyya (1955 Miladiyya) a Unguwar Adoro da ke gab da Unguwar-madawaki a tsakiyar birnin Katsina. Mahaifansa. Maihaifinsa Alhaji Malam Yahaya, haifaffen  karamar hukumar Rimi ne ta Jihar Katsina. Malama Maryam, mahaifiyarsa, 'yar asalin karamar hukumar Mani din Jihar Katsina ce. Ita 'ya ce ga Malam Zubairu, shi kuma Malam Zubairu da ne ga Malam Aliyu, dukansu haifaffun Karamar hukumar Rimi ta jihar Katsina ne. Iyalansa. Yanzu haka Shaikh Yakubu Yahaya yana da Mata biyu da 'ya'ya shatakwas: Tara Maza, Tara Mata. Ya aurar da guda Tara (tsakanin Maza da Mata), Yanzu Saura guda Tara. Karatunsa. A farkon farawa Malamin y
Read more

TAKAITACCEN TARIHI, HAIHUWA DA TASOWAR SHAIKH ZAKZAKY (H)

-
Image
Saura Kwanaki 15 Shaikh Zakzaky Ya Cika Shekaru 70 -Saifullahi M. Kabir TAKAITACCEN TARIHI, HAIHUWA DA TASOWAR SHAIKH ZAKZAKY (H) Ranar Talata 15 ga Sha’aban, 1372 aka haifi Jagoran Harkar Musulunci a Nijeriya, Shaikh Ibraheem Zakzaky (H), a unguwar Kwarbai da ke birnin Zariya ta jihar Kaduna. Mahaifinsa shine Malam Yaqoub dan Malam Ali dan Sharif Tajuddeen, shi kuma dan wani babban limami da ake kiransa da Liman Husaini. Kakan Shaikh Zakzaky na uku ya kasance daga cikin mutanen Shaikh Usman Danfodiye, wadanda ya tura su garuruwa a matsayin wakilansa, sai ya zama shi Malam Muhammad Tajuddeen Shaikh Danfodiye ya turo shi Lardin Zazzau ne a matsayin mai ba Amir din Zazzau, Malam Musa shawara da taimakonsa wajen tafiyar da harkokin al’umma akan tsarin Musulunci. A wata hira da aka yi da Shaikh Zakzaky dangane da tarihin rayuwarsa a shekarun baya, ya bayyana cewa: “Mahaifina Malamin Alkur’ani ne, haka ma kakana shima Malamin Alkur’ani ne, haka ma uban kaka na. Sai dai shi uban
Read more

Cikakken Tarihin Hammad Ibraheem Zakzaky

-
Image
Cikakken Tarihin Hammad Ibraheem Zakzaky Haihuwarsa An Haifi Sayyid Hammad Ibraheem Zakzaky Ne A Rana mai Kamar ta yau 01 ga Sha'aban 1417 Hirari dai-dai da 10 Ga December 1996 Miladiyya. A Cikin Birnin Kadunan Tarayyar Nijeria. Sunansa Da Laqabin Sa. Sunan sa Sayyid Hammad Ibraheem Anai Masa Laqabi Da Saajid.  Nasabarsa Ta Wajan Uba Nasabarsa  Ta Wajan Mahaifin Sa: Sayyid Hammad, Shine Dan Allamah Ibrahim Zakzaky, na 7, Shi Kuma Dan Malam Yaqoub Shi Kuma Dan Malam Aliy Dan Malam Muhammad Tajuddin Dan Liman Husaini. Shi Liman Husaini Wani Bawan Allah Ne Kuma Babban Malami Da Yake Limanci A Wani Masallaci A Lokacin. Malam Muhammad Tajuddin Yazo Birnin Zariya Ne Daga Sokoto A Cikin Tawagar Amir Na Zariya. Wato Lokacin Da Shaikh Usman Dan Fodiyo (Ra) Ya Na Da Malam Musa A Matsayin Amir Na Lardin Zazzau Sai Ya Hada Shi Da Malam Muhammad Tajuddin A Matsayin Mai Bashi Shawara, Da Kuma Mai Taimaka Masa Wajan Tafi Da Harkokin Jama'a Akan Tsarin Musulunci. Assalin Iyayen Su,
Read more