BIKIN CIKA SHEKARU 40 DA SHELANTA HARKAR MUSULUNCI A NIGERIA
BIKIN CIKA SHEKARU 40 DA SHELANTA HARKAR MUSULUNCI
Ranar Lahadi 5 ga watan Afrilun 1980, Jagoran Harkar Musulunci A Najeriya, Shaikh Ibraheem Zakzaky ya fara shelanta Da'awarsa ta tawaye ga duk wani tsari ko doka da ya sabawa na Allah (T) da jaddada wulayarsa ga Allah (T) da tafarkinsa a gaban dandazon al'ummar Musulmi a garin Funtua.
Wannan Lahadi din mai zuwa, 5/4/2020 shekaru 40 cur kenan da yin wannan shelar ta Sayyid Zakzaky, wacce ana kaddara ta a matsayin mafarin tafiyar Gwagwarmayar Musulunci a Nijeriya a bayyane. ko da yake kafin wannan ranar, an dauki akalla shekaru uku, Shaikh Zakzaky na yin da'awar a matakin sirri a tsakanin daliban MSS na jami'a.
Tarihi ya tabbatar da cewa tun a shekarar 1977 Shaikh Ibraheem Zakzaky ya fara da'awa da kokarin farkar da mutane zuwa ga muhimmanci da wajabcin rayuwa a karkashin ikon addinin Allah (T), ta hanyar shirya lakcoci akan manufar halittar dan adam a doron kasa, muhimmancin fikira, ma'anar kalmar Shahada da sauransu. Da kuma yin zama da kebantattun dalibai Musulmi da karantar da su littafan Malaman Gwagwarmaya, irin su Sa'idul Hawa da Sayyid Kutub da sauransu.
Amma shelanta Da'awa a gaban dimbin jama'a, ya auku ne a yayin rufe taron IVC da kungiyar dalibai Musulmi na kasa (MSS) suka gabatar a watan Afrilun 1980 a garin Funtua, inda Shaikh Ibraheem Zakzaky a matsayinsa na mataimakin shugaba kungiyar ya wakilci shugaban lokacin Ahmad Falaki da bai samu halartan taron ba, ya gabatar da jawabin da ake lakaba masa 'Shelar Funtua' ko kuma 'Funtua Declaration' a Turance.
Tarihin wannan rana bai bace ba a wajen Jagora (H) da dukkanin yan gwagwarmaya saboda muhimmancinsa, don haka ma ko da irin ranar ta zagayo a shekarar 1990 bayan shekaru goma kenan, Shaikh Ibraheem Zakzaky ya kara zuwa garin na Funtua inda ya maimaita wannan shelar. Haka ma a watan April din shekarar 2000, bayan shekaru 20 Shaikh Zakzaky Ya kuma jaddada wannan shelar a Funtua. Bayan shekaru 30 ma, a shekarar 2010 Shaikh Zakzaky ya kuma zuwa garin Funtua inda ya sake maimaita wannan shelar a gaban dubban al'umma, wanda aka hada da bikin bude Fudiyya.
A bana, bisa nufi da kaddarawar Allah (T), shekaru 40 sun cika, inda gamu a cikin watan April 2020, amma Shaikh Ibraheem Zakzaky na tsare a Kurkukun azzaluman mahukunta. Sai dai mun tabbatar da cewa da ace yana waje zai je garin Funtua don raya wannan mafi muhimmancin munasaba a tarihin gwagwarmaya, don haka ma tuni aka tsara cewa da yardar Allah za a gabatar da bikin cika shekaru 40 da wannan shelar ta tawaye ga tsarin kafirci da jaddada mika wuya ga Allah (T) a garin Funtua. Kwatsam sai ga bullar wannan annoba da ake kira CoronaVirus wacce ta tsayar da komai na walwalar duniya.
Bisa wannan ne, muke ba da shawarar cewa tunda taro a muhalli daya ba zai yiwu ba, kuma dai ga hanyoyin isar da sako baja-baja a yanzu, don haka ana iya yin wasu abubuwa da za su rayar da bikin da sanar da Duniya muhimmancin ranar a wajenmu ta hanyar:
1- Yin Takardar Manema labarai mai dauke da bayani a kan ranar da muhimmancinta ga Harkar Musulunci.
2- Rubube-rubuce daga masana bangarorin Tarihin Harka Islamiyya, da manazarta, a jaridu da kafafen sadarwar zamani, cikin harsunan Hausa, Turanci da Larabci da ma wasu yarurrukan da suka samu.
3- Ya kamata a shirya gangamin Twitter musamman a ranar Lahadi 5/4 /2020 a fitar da take (hashtag) da ke da alaka da bikin, a tunawa duniya Harkar Musulunci da manufa da hadafinta, da ma tarihinta da irin marhalolin da ta gitto, gami da fadi-tashi, waki'o'i, fitintinu da Shahidanta da duk wani abu da ya dangance ta. Domin wannan rana ce ta gwagwarmaya.
4- Wadanda suka iya zane (Graphic design) su yi Posters masu dauke da hotunan Malam da na 'activities' din Harka (na tarihi) dauke da take masu ma'ana da isar da sako, don yadawa a kafafen sadarwa. Ya zama akalla Asabar da Lahadi masu zuwa mu ga Facebook, Twitter, Instagram, sun cika ne da hotunan Jagora, da na Tarihin Harka da rubuve-rubuce masu ma'ana da da'awa a kan Harkar Musulunci (Ba lallai wanda bai san abu sai ya ce wani abu a kai ba, yana iya yada wasu masu ma'ana).
5- Yan uwa su shirya 'Online Programs' a zaurukan su na Whatsapp ko Telegram, a tunatar da juna akan Tarihi, Manufa da Hadafi tare da duk wani abu da ya shafi Harkar Musulunci da Jagoranta.
Ina taya dukkan yan uwa na Gwagwarmaya murna da zagayowar wannan lokaci. Lallai shekaru 40 ba wasa ba. Muna Tawassuli da sirrin da ke cikin 40, Allah (T) ya gaggauta kubutar Jagoranmu da dukkan yan uwa, Ya hallaka azzalumai, Ya tabar da munafukai.
— Saifullahi M. Kabir
1/4/2020 - 7/7/1441H
Ranar Lahadi 5 ga watan Afrilun 1980, Jagoran Harkar Musulunci A Najeriya, Shaikh Ibraheem Zakzaky ya fara shelanta Da'awarsa ta tawaye ga duk wani tsari ko doka da ya sabawa na Allah (T) da jaddada wulayarsa ga Allah (T) da tafarkinsa a gaban dandazon al'ummar Musulmi a garin Funtua.
Wannan Lahadi din mai zuwa, 5/4/2020 shekaru 40 cur kenan da yin wannan shelar ta Sayyid Zakzaky, wacce ana kaddara ta a matsayin mafarin tafiyar Gwagwarmayar Musulunci a Nijeriya a bayyane. ko da yake kafin wannan ranar, an dauki akalla shekaru uku, Shaikh Zakzaky na yin da'awar a matakin sirri a tsakanin daliban MSS na jami'a.
Tarihi ya tabbatar da cewa tun a shekarar 1977 Shaikh Ibraheem Zakzaky ya fara da'awa da kokarin farkar da mutane zuwa ga muhimmanci da wajabcin rayuwa a karkashin ikon addinin Allah (T), ta hanyar shirya lakcoci akan manufar halittar dan adam a doron kasa, muhimmancin fikira, ma'anar kalmar Shahada da sauransu. Da kuma yin zama da kebantattun dalibai Musulmi da karantar da su littafan Malaman Gwagwarmaya, irin su Sa'idul Hawa da Sayyid Kutub da sauransu.
Amma shelanta Da'awa a gaban dimbin jama'a, ya auku ne a yayin rufe taron IVC da kungiyar dalibai Musulmi na kasa (MSS) suka gabatar a watan Afrilun 1980 a garin Funtua, inda Shaikh Ibraheem Zakzaky a matsayinsa na mataimakin shugaba kungiyar ya wakilci shugaban lokacin Ahmad Falaki da bai samu halartan taron ba, ya gabatar da jawabin da ake lakaba masa 'Shelar Funtua' ko kuma 'Funtua Declaration' a Turance.
Tarihin wannan rana bai bace ba a wajen Jagora (H) da dukkanin yan gwagwarmaya saboda muhimmancinsa, don haka ma ko da irin ranar ta zagayo a shekarar 1990 bayan shekaru goma kenan, Shaikh Ibraheem Zakzaky ya kara zuwa garin na Funtua inda ya maimaita wannan shelar. Haka ma a watan April din shekarar 2000, bayan shekaru 20 Shaikh Zakzaky Ya kuma jaddada wannan shelar a Funtua. Bayan shekaru 30 ma, a shekarar 2010 Shaikh Zakzaky ya kuma zuwa garin Funtua inda ya sake maimaita wannan shelar a gaban dubban al'umma, wanda aka hada da bikin bude Fudiyya.
A bana, bisa nufi da kaddarawar Allah (T), shekaru 40 sun cika, inda gamu a cikin watan April 2020, amma Shaikh Ibraheem Zakzaky na tsare a Kurkukun azzaluman mahukunta. Sai dai mun tabbatar da cewa da ace yana waje zai je garin Funtua don raya wannan mafi muhimmancin munasaba a tarihin gwagwarmaya, don haka ma tuni aka tsara cewa da yardar Allah za a gabatar da bikin cika shekaru 40 da wannan shelar ta tawaye ga tsarin kafirci da jaddada mika wuya ga Allah (T) a garin Funtua. Kwatsam sai ga bullar wannan annoba da ake kira CoronaVirus wacce ta tsayar da komai na walwalar duniya.
Bisa wannan ne, muke ba da shawarar cewa tunda taro a muhalli daya ba zai yiwu ba, kuma dai ga hanyoyin isar da sako baja-baja a yanzu, don haka ana iya yin wasu abubuwa da za su rayar da bikin da sanar da Duniya muhimmancin ranar a wajenmu ta hanyar:
1- Yin Takardar Manema labarai mai dauke da bayani a kan ranar da muhimmancinta ga Harkar Musulunci.
2- Rubube-rubuce daga masana bangarorin Tarihin Harka Islamiyya, da manazarta, a jaridu da kafafen sadarwar zamani, cikin harsunan Hausa, Turanci da Larabci da ma wasu yarurrukan da suka samu.
3- Ya kamata a shirya gangamin Twitter musamman a ranar Lahadi 5/4 /2020 a fitar da take (hashtag) da ke da alaka da bikin, a tunawa duniya Harkar Musulunci da manufa da hadafinta, da ma tarihinta da irin marhalolin da ta gitto, gami da fadi-tashi, waki'o'i, fitintinu da Shahidanta da duk wani abu da ya dangance ta. Domin wannan rana ce ta gwagwarmaya.
4- Wadanda suka iya zane (Graphic design) su yi Posters masu dauke da hotunan Malam da na 'activities' din Harka (na tarihi) dauke da take masu ma'ana da isar da sako, don yadawa a kafafen sadarwa. Ya zama akalla Asabar da Lahadi masu zuwa mu ga Facebook, Twitter, Instagram, sun cika ne da hotunan Jagora, da na Tarihin Harka da rubuve-rubuce masu ma'ana da da'awa a kan Harkar Musulunci (Ba lallai wanda bai san abu sai ya ce wani abu a kai ba, yana iya yada wasu masu ma'ana).
5- Yan uwa su shirya 'Online Programs' a zaurukan su na Whatsapp ko Telegram, a tunatar da juna akan Tarihi, Manufa da Hadafi tare da duk wani abu da ya shafi Harkar Musulunci da Jagoranta.
Ina taya dukkan yan uwa na Gwagwarmaya murna da zagayowar wannan lokaci. Lallai shekaru 40 ba wasa ba. Muna Tawassuli da sirrin da ke cikin 40, Allah (T) ya gaggauta kubutar Jagoranmu da dukkan yan uwa, Ya hallaka azzalumai, Ya tabar da munafukai.
— Saifullahi M. Kabir
1/4/2020 - 7/7/1441H
Comments
Post a Comment